想知第一手爆料,即按讚!

main

自爆

我哥要娶個港女

2015-09-24

hkgirl.png

每次家庭聚會,如︰父母親節、爸媽生日、我仔滿月等
佢就次次都話唔得閒黎
大家已經開始有D微言
尤其有時佢係last minute先放飛機
我媽已經煮好哂成檯餸
搞到老人家次次都失望唔開心

我都話左我哥幾次
叫佢提醒佢未婚妻唔好再咁樣
次次都話知道
點知次次都係例牌唔到or話到但放飛機

直到有一次又係全家人坐定等佢地開飯
等左成晚,飯凍哂、電話打極都唔聽
但whatsapp明明有online,MSG已讀不回

結果果晚冇出現冇解釋冇道歉
我忍唔住爆我阿哥
我哥先肯講個真相我知
原來佢未婚妻見左我2次之後,唔知點解唔中意我
問極都話冇原因
總之就係有我冇佢咁樣

我R爆頭都諗唔到我做or講左D乜得罪佢
問其他屋企人
佢地都話果2次食飯大家都有講有笑,氣氛好好
都係諗唔到咩理由搞到「有你冇我」咁嚴重

不過我都算,只要唔影響我哥同屋企人
佢中唔中意我都冇所謂

佢地後尾真係決定結婚要買樓
我哥冇錢,首期係問公司借
裝修錢就問我爸媽拎
其實佢地都知我爸媽月月清,邊有錢幫佢地?
結果係我俾十幾萬幫佢地,當係恭賀佢地結婚

明知冇能力買樓都要充大頭,都算
個女人(or佢屋企)竟然話要6萬禮金
裝修十萬都冇錢俾,請問點樣俾6萬你地?
我哥叫我爸媽出,結果咪又係旨意我
我原本諗住一世人兩兄妹,都幫埋今次啦

點知個港女無啦啦發神經
迫我哥同我、同我個仔斷絕關係!
而我哥話佢冇退路wor,樓又買左、酒席又訂哂
唔可以唔要呢個女人,唯有放棄我呢邊

我真係嬲到震
個港女衰格我唔理
但點解我哥可以見「色」忘本成咁?前世未見過女人?

後尾我哥可能俾阿爸媽鬧到知衰,同我認錯
但我都睇清楚佢真面目
三十年兄妹情,不及一個識左年幾兩年既女人
所以我冇原諒佢地,打算老死不相往來 到依家我同佢地會避開所有會見到既場合

但聽聞個女人依然係十年都唔同我爸媽食一次飯
唔知個女人係咪又打算向其他屋企人開刀喇?

依家唯一慶幸係未過大禮
希望呢3個幾月,有人可以回頭是岸
我唔想我頭家就咁俾個外人搞散

 
資料來源: HongKong Discuss 

相關文章:

留言