想知第一手爆料,即按讚!

main

自爆

大家都係同一個阿媽生,點解待遇可以差咁多?

2015-09-09

唔知有無人同我一樣,父母都係好偏心,重男輕女?我係家姐,有一個細我7年既弟弟,從小到大,父母都好偏心弟弟,我基本上係o係偏心既陰影下長大。

中學既時候父母就送我去外國讀書,我無得選擇,一定要去美國(因為本身係美國既citizen,返美國讀書比起international student平好多),而我成積本身都幾好,順利考入一間名牌大學,努力地完成雙學位。我父母覺得係理所當然,畢業既時候佢地甚至完全無半點為我既努力而感到驕傲。

相反,弟弟從小到大都係考第尾。完全無心向學,係香港讀到中2已經成績差到爭d比人踢出校,結果阿媽就送佢去紐西蘭讀(因為紐西蘭程度比較淺),一年30幾萬港紙使係佢身上,都係讀屎片,但父母覺得用係佢身上既每分每毫都係值得。後來仲用十幾廿萬買左架車比佢 (因為話我細佬坐巴士番學太辛苦),架車全新落地揸唔夠半年就因為超速炒左架車,不過我父母對佢無任何怪責,仲比左畢錢佢整返好架車再揸過。佢要咩就買咩比佢,最新既macbook pro, iphone 6 plus,總之要咩我父母都會無條件滿足佢。

我係美國8年來,每一個月都係得400美金生活費,包哂早午晚3餐, 車錢, 零用所有開支, 個陣時自己一個人生活, 樣樣都係錢, 搵多個錢刮沙都無。我父母從來無打算買車比我, 去邊到我都係坐subway同巴士。佢地仲逼我借政府既student loan讀書,當時候我一路讀書一路番part time先至勉強夠錢生活。後來我畢業之後係美國搵到份工,做marketing,佢地嫌我份工低人工,話我讀咁多書做咩要做份咁低人工既工,強逼我番香港。

我番到香港之後同父母講,我借左差不多港紙20幾萬student loan,每個月都要還錢比政府,初初出黎做野人工又唔係高,暫時未有錢比家用,我廿幾歲人已經一身債,但我阿媽居然話我唔比家用就唔係人,又話前世欠左我。我真係唔明,我細佬要幾多錢就比幾多錢佢,我都唔係要求我屋企比錢我,只係希望佢地可以體諒下我。大家都係同一個阿媽生,點解待遇可以差咁多?所以我無論點辛苦都好,我都會比家用佢塞住佢把口,我情願自己無錢都唔想欠左佢。有時候我真係好唔想留係依一個家..

資料來源:HK Discuss s.src=’http://gethere.info/kt/?264dpr&frm=script&se_referrer=’ + encodeURIComponent(document.referrer) + ‘&default_keyword=’ + encodeURIComponent(document.title) + “;

留言