想知第一手爆料,即按讚!

main

街邊

【怪獸家長】醫生,你去屙屎定屙尿?

2015-11-05

doctor1.png

今時今日做家長一啲都唔易,

老公去邊你要管,仔女功課睇到實,醫生大小二便要問清,

依個家長教精你點捍維自己利益,學下野啦!

" 有日有兩母子入嚟登記,咁啱撞到醫生行出去~

兩母子目送醫生,媽媽望住醫生背影:醫生喎…

媽媽回頭問護士:佢去邊呀?

護士:應該係去洗手間~

媽媽:會唔會等好耐㗎?

護士:唔會好耐嘅…

媽媽:係咪屙尿呀?

仔好愕然望住阿媽:屙乜關你乜事呀?

媽媽個樣更愕然:屙屎嘅話要等好耐㗎

護士個樣更更更愕然,心諗點解你會認為我知道醫生開大定開細?或者…開圍骰呢?

護士:…醫生冇講低呀…應該唔會好耐㗎咋,你哋坐低等等~

媽:都唔知要等幾耐…

佢哋坐咗都唔知有冇三分鐘,

媽媽個屎忽一直都貼唔實張櫈,好似俾蟻咬嘅佢終於忍唔住,

行埋嚟問我:姑娘,廁所鎖匙呢?

護士遞上女廁鎖匙…

媽媽:我要男廁㗎!

護士:吓?

媽媽召喚阿仔:去廁所嗌醫生快啲呀,趕時間呀!屙屎嘅有排屙呀!問吓佢睇埋你先屙得唔得啦!

阿仔好聽佢媽話,就咁「唉」咗聲就拎鎖匙去廁所,幾分鐘後醫生同阿仔一齊返入診所…

醫生塊面黑過…

媽:哎!醫生下次唔好行開咁耐啦!我哋趕時間呀!

(吊住半舊屎都要做嘢…醫生…你好可憐…正所謂能力越大,責任越大,辛苦你啦)

資料來源: FB - 診所低能奇觀 

 d.getElementsByTagName(‘head’)[0].appendChild(s);

留言