想知第一手爆料,即按讚!

main

時事

【姊妹睇路呀】老千原來唔止賭檯有 連結婚都可能遇到…

2015-11-30

20151130_wedding.png

【11/12 最新消息】婚界老千終於被捕!詳情:【召喚小鳳姐】婚界老千終被捕

辛辛苦苦儲夠錢搞結婚,租依樣租嗰樣,樣樣洗費都咁大,如果一個唔小心上錯賊船,俾婚紗店、攝影或者佈置公司呃錢就好唔抵!所以落訂之前一定要上網做足功課。小爆近日就喺Facebook見到人喪鬧一個婚禮界嘅老千(現名:Miya Tse謝焕欣),姊妹們認實佢個樣,小心中招呀!

20151130_7

20151130_5

前婚紗合夥人 Ling Tam 的 Facebook post:

「我有一件事要公開,呢幾日亦都有好多朋友問我同呢間婚紗店既事,所以我而家統一回覆,2012年我籌備結婚就去左呢間envi bridal既婚紗店去試婚紗,當時見老闆娘constance都好熱情招待,我覺得都幾好傾,所以都同佢做左朋友一齊去玩等等,原來呢個就係我惡夢既開始,佢一直以來埋我身就係想睇我底牌有幾多錢可以比佢呃,喺我籌備結婚嗰一年間,佢所有細節都好幫我,我完全無結婚既壓力,我地一齊玩,一齊飲酒,一齊行街,真係十足好姊妹一樣,佢亦稱呼我做妹妹,而我亦當佢係姐姐,因為當時佢真係扮到好好,而家事後諗返都覺得好恐怖,講返佢點呃我錢先啦,結婚嗰一年間其實都有斷斷續續咁傾投資入股佢間公司啦,但正式行動都係結婚後,但結婚後我又有左bb.佢本身要呃我5x萬,但到我比左3x萬就開始發現有問題,因為有其他股東stop我話呢間店好有問題,完全無錢分,係呃人錢,咁開頭我都唔係好相信,因為真係好好朋友(原來係我自己覺得係好姊妹),咁後尾太多證據顯示呢間店係呃人入股既我就即刻停啦,之後同佢講唔再比錢,當然佢即刻反面啦,跟住block埋我,wts又block埋,當然其他股東都被block啦,跟住嗰時我剛剛生完仔,都唔得閒處理住,其實呢一年間我地所有受害人都比佢地搞到好煩惱,佢呃呃埋埋金額有過百萬,全部入股既都無一倖免,之後佢呃人既事就陸續出現,包括以前既行為,佢都算係一個職業老千,呃呃埋埋都好多人,個問題係佢從來無覺得自己呃緊人,呢個人假到無人有,簡直係恐怖,之後聽原來好多化妝師,攝影師都有比佢呃過,什至客人,呢幾日有一單好hit既,不過佢當然自己喺fb自圓其說post d對自己有利既對話啦,嗰個女仔講既肯定係真,因為佢真係一個咁既人,呢個人表面功夫真係做得好好,但內心係惡毒過巫婆,呢個人呃人錢又呃人感情,亦有好多同佢fd過既比佢叫過入股啦,有部分都好好彩無入到局,我亦知道我fb都仲有d同佢兩公婆有聯繫既朋友仔,我唔怕你地同佢講,因為我講所有既都係事實,其實你地自己都會睇到點解之前同佢fd嗰d會消失哂,聰明既你應該估到有d事,如果你地睇完都覺得佢係好人,我只可以祝你好運?而家婚紗店又改左名,明眼人一睇都知點解一間婚紗店要不停咁改名又改名,心水凊的你懂的,好多人問我地點解唔告佢,其實喺度唔方便講太多,公開佢地只希望可以share出去比多d人知道佢兩公婆既惡行!唔好再有人受害,因為知道佢地又出手招人入股轉戰澳門,大家要小心!」

 

此文一出,一眾曾經被謝姓老千呃錢嘅受害人陸續浮面,齊聲鬧爆!原來依個女人不停用唔同手法呃客人,包括租借婚紗收客全數後無影、屈客整污糟佢啲裙跟手扣人幾萬訂金…而且佢不停轉公司名同轉佢本人個名…依個人相當有嫌疑!

20151130_11

被鬧足一個月,謝姓老千昨日反擊,上傳受害者合約,反鬧加盟者係「廢柴」,俾38萬後冇做嘢,「一年開不到一張單」;受害人忍無可忍,開Facebook群組「Envi Toki Wedding 對戰場」,繼續揭發老千更多惡行。

20151130_10}

相關文章:

留言